Veteran Actress Jayasheela fire on Sri Reddy behaviour. After this incident The MAA (Movie Artistes Association) has made it clear that it will not accept the membership application of actress Sri Reddy, and also said actors who work with her will be suspended from the association.

మూవీ ఆర్టిస్ట్ అసోసియేషన్ ముందు అర్దనగ్న ప్రదర్శనకు దిగిన నటి శ్రీరెడ్డిపై ఇండస్ట్రీలోని అన్ని వర్గాల నుండి వ్యతిరేకత వ్యక్తం అవుతోంది. ఆమె చేసిన పనిని అందరూ ముక్తకంఠంతో ఖండిస్తున్నారు. ఆమెది దిగజారుడు చర్యగా అభివర్ణిస్తున్నారు. ప్రముఖ సినీయర్ తెలుగు నటి జయశీల శ్రీరెడ్డిపై మండి పడ్డారు. ఆడదంటేనే అసహ్యం వేసేలా ఆమె ప్రవర్తించిందని జయశీల ఫైర్ అయ్యారు.
టాలీవుడ్లో మేము వచ్చిన సమయంలో మాకు సినిమా అంటే దైవం. కళామతల్లిగా ఇండస్ట్రీని ఆరాధించాము. దర్శకుడిని తండ్రిగా, నిర్మాతను తల్లిగా భావించాము. శ్రీరెడ్డి చెప్పినట్లు ఇలాంటి సంఘటనలు ఎప్పుడూ జరుగలేదు... అని జయశీల తెలిపారు.
అసలు ఎవరండీ ఈ శ్రీరెడ్డి.. ఎప్పుడొచ్చింది ఇండస్ట్రీకి.. ఆ అమ్మాయి ముఖం మేము ఎప్పుడూ చూడలేదు. ఈ మధ్య పది రోజులుగా శ్రీరెడ్డి అంటూ హడావుడి జరుగుతోంది. నిన్న అర్ద నగ్నంగా కూర్చుంది. ఆమె అలా చేస్తుంటే తెలుగు వారంతా ఎందుకు ఊరుకున్నారో నాకు అర్థం కాలేదు... అని జయశీల అసహనం వ్యక్తం చేశారు.
నిన్న ఆ దారిలో వెళుతుంటే షూటింగ్ అనుకున్నాను.... శ్రీరెడ్డి ఇలా చేస్తుందని తెలిసి ఉంటే లాగి చెప్పిచ్చుకుని కొట్టేదాన్ని. అలా కూర్చోవడం ఏమిటి? అసలు ఆమె వయసు ఎంత? పుట్టు పూర్వోత్తరాలు ఏమిటి? సినిమా ఫీల్డుకు ఎప్పుడు వచ్చిందో కూడా తెలియదు. అందరినీ బయటకు తీస్తోంది. ఇండస్ట్రీ అంటే ఏమనుకుంటోంది? ఇండస్ట్రీ అంటే కళామతల్లి, తెలుగు తల్లి, మన అమ్మ... అమ్మ బిడ్డలను అలా చేస్తుందా? ఏం మాట్లాడుతోంది. ఛీ ఛీ ఆడదంటేనే అసహ్యం వేసేలా చేస్తోంది.... అని జయశీల అన్నారు.
చక్కగా కుటుంబాలు చూసుకుంటున్న డైరెక్టర్ల పేర్లను తీసుకొచ్చింది, వాళ్ల ఫ్యామిలీకి రేపు ఏదైనా అయితే ఎవరు బాధ్యులు? ఆమెకేమైనా మెంటలా? దీని వల్ల పబ్లిసిటీ వచ్చేసి వేషాలు వచ్చేస్తాయనే ఆలోచనా? ఆమెకు ఎవరైనా వేషాలు ఇస్తే తెలుగు జాతికే అవమానం... అని జయశీల ఆగ్రహం వ్యక్తం చేశారు.