திமுக தலைவர் கருணாநிதி பாணியில் அதிரடியான பதிலடியை நேற்று திமுக செயல் தலைவர் மு.க.ஸ்டாலின் கொடுத்தது திமுகவினரை உற்சாகப்படுத்தியுள்ளது.
ஆன்மீக அரசியல்வாதியாக கருணாநிதியை சந்தித்துச் சென்ற ரஜினிகாந்த்துக்கு பதிலடி தரும் வகையில் இது திராவிட மண். இங்கு வேறு எதுவும் வெல்ல முடியாது என்று மு.க.ஸ்டாலின் பேட்டி அளித்தது தி்முகவினரை மட்டுமல்லாமல் மற்ற அரசியல் கட்சியினரையும் கூட ஆச்சரியப்படுத்தியுள்ளது.

வழக்கமாக இப்படி உடனுக்குடன் பதிலடி கொடுப்பவரல்ல ஸ்டாலின். அது கருணாநிதியின் ஸ்டைல்., தனக்கே உரிய பாணியில் கருணாநிதி, தனது எதிர்ப்பாளர்களுக்கு சுடச் சுட பதிலடி கொடுப்பார். ஆனால் ஸ்டாலின் நிதானம் காத்து பதில் தருவார். ஆனால் நேற்று ரஜினியை முன்னால் போக விட்டு விட்டு அவர் கொடுத்த பதிலடி திமுகவினரை உற்சாகப்படுத்தி விட்டது.

ஆன்மீக அரசியல்வாதியாக தன்னை உருவகப்படுத்தியுள்ள நடிகர் ரஜினிகாந்த் நேற்று திராவிட இயக்கத்தின் மூத்த தலைவரான கருணாநிதியை கோபாலபுரம் இல்லத்தில் சந்தித்துப் பேசினார். இந்த சந்திப்பின்போது மு.க.ஸ்டாலினும் உடன் இருந்தார். சந்திப்புக்குப் பின்னர் செய்தியாளர்களிடம் பேசிய ரஜினிகாந்த், கருணாநிதியிடம் கட்சி தொடங்கியதைச் சொல்லி ஆசி பெற்றதாக கூறினார்.

DMK working president MK Stalin has clarified the meeting of DMK president Karunanidhi and Actor Rajinikanth and said that Dravidian movement cannot be defeated by any kind of foce, he pointed Rajinikanth indirectly