Kreu i Partisë Demokratike në Fier Luan Baçi thotë vetëm pak orë para nisjes së protestës së opozitës se militantët e PD janë kërcënuar nga policia për të mos marrë pjesë në protestë. Ai thotë se Rama duhet të japë dorëheqjen dhe t'i hapë rrugën një qeverie tranzitore.

"Letrat Rama i bën vetë dhe i lexon vetë. Rama është një delir madhështie dhe nuk arrin të kuptojë që qytetarët shqiptarë janë ngritur kundër tij, kundër arrogancës së tij. Unë nuk dua të merrem me letrat e Ramës. Ai duhte ta japë dorëheqjen dhe të ndërtohet një qeveri tranzitore. Protesta e sotme do jetë në rritje. Dua të bëj një denoncim për policinë. Kryetari i grupseksionit Besnik Skënderi i kanë shkuar të shtëpia dhe i kanë bërë presion se nuk duhet të marrë pjesë në protestë. I bëj thirrje drejtorit të policisë dhe ministrit që t'i lënë presionet dhe këta inspektorë rendi që bëjnë presion janë identifikuar", u shpreh Baçi.