مرسى مش حاسس بالناس دى ، بالغلابة والفقرا ، الناس دى مطلبهم تنفيذ حكم محكمة القضاء الإدارى بعودة الشركة مرة أخرى إلى القطاع العام، ومخاطبة مجلس الشورى للبنوك بإعطائهم فترة سماح للحصول على اتفاقيات عمل بعد رفض البنوك، نتيجة تعثر الشركة.
العمال راحوا لمجلس الشورى على أمل أنهم يساعدوهم ، وحاولوا دخول المجلس لمقابله أحمد فهمى ، لكن للأسف أحمد فهمى مش فاضى للغلابة والفقرا ، هم مشغولين بس بمشاريع مكتب الإرشاد واللى على رأسها قوانين ذبح السلطة القضائية والجمعيات الأهلية وغيرها - تعالوا نشوف عمال شركة المشروعات الهندسية وهم بيحاولوا يدخلوا لمجلس الشورى وتم منعهم .
زى ما أنتم شفتم تم منعهم من الدخول ، ليه ما بتقابلش الناس دى يادكتور مرسى ولا لازم يكونوا من الأهل والعشيرة ، الناس قرفت وزهقت والوضع من سيىء لأسوأ وانتوا ولا فى دماغكم ، نحب نفكرك أن عيد العمال بعد بكرة 1 مايو ، تقدر تقولى انت دعيت للاحتفال بيه ازاى والناس دى مش واخده حقوقها ، الناس عاوزة تشتغل بتقولك نفذ القانون ورجعلهم شركتهم وساعدهم وهم هيوقفوا الشركة - لكن نقول لمين .
تابعونا على صفحتنا http://www.facebook.com/alSadahalMo7taramon