E tutt’’e juorne ‘a stessa tiritera br sulo disgrazie maje nutizie allere br uommene accise spisso a tradimento br senza pietà, senz’ombra ‘e pentimento. br ‘A droga,’o cuntrabbando, l’estorsione, br s’allargano pe’ tutt’’e vvie d’’o munno br pe’ tutt’’e rrazze e tutt’’e rreliggione, br l’umanità scenne sempe cchiù ‘nfunno. br Qua’ Pasca, qua’ Natale cà è n’inferno br manche dint’’e cunviente ce stà ‘a pace br chisà che sta facenno ‘o Pataterno br vurria saperlo pe’ mme fa capace. br Ma forze nun ci’azzecca simme nuje br c’avimmo perzo ‘o bbene d’’a cuscienza br ‘mpietto tenimmo ‘o ffele ca ce struie br e ‘a ‘mmeritammo chesta sufferenza. br ‘A vita è dono ‘e Dio diceva ‘o nonno, br povero viecchio comme se sbagliava, br chesti criature d’ogge comme ponno br campà comme na vota se campava. br Ogge chesto àdda scrivere ‘o pueta br senza truvà nè pace nè arricietto br si guarda annanze e si s’avota areto br nun po’ truvà nisciuno atu suggetto.