... E campe ‘int’a nu munno artificiale br trasenno ‘int’a na longa galleria br assapuranno sulamente ‘o mmale, br che spiere maje ‘e truvà pe’ chesta via? br Fore ‘a natura canta e nun ‘o ssaje br stiso ‘ncopp’a stu lietto a diciott’anne br te pare doce chello ca te faje br e ll’ore toje cchiù belle se ne vanno. br Sunnà nu vuolo d’aquila è pazzia br quanno l’urdema luce s’è smurzata br e ‘o velo niro d’’a malincunia br appanna tutt’’e suonne d’’a nuttata. br ‘O sole spuntarrà pure dimane br ma ‘o vedarraje d’’a senga d’’a fenesta br cu’ na serenga a perdere ‘int’’e mmane br dint’’o cerviello ‘a solita tempesta. br Ma chesta nun è vita è nu peccato br è nu cammino senza cchiù speranza br sti diciottanne tuoje ca so’ sprecate br dint’a sti quatto mura ‘e chesta stanza. br T’’o dico pecché t’aggio miso a ‘o munno br e certamente no pe’ chesta sciorta br ‘mmocca a na vocca ‘e lupo, ‘int’’o br sprufunno, br addò ogne ccosa ‘nganna te va storta. br T’aggio tuccato ‘a fronte, comme cuoce, br e ‘a voce toja è sultanto nu lamiento br cu’’e ddete t’accarezzo doce, doce, br e ‘o core, chistu core, sbatte a vviento. br Iesce fore ‘a stu munno artificiale br nun te ne accuorge ma t’accorcia ‘a vita br fammille pe’ Natale stu riàlo br fallo asciuttà stu sango ‘a sta ferita. br Guarda ce conto giuralo pe’ Dio br ca chisto è l’urdemo ago dint’’e vvene br fa cunto ca tu fusse ‘o pate mio br e io fosse figlio a tte ‘mpazzuto ‘e bbene.