THE wind may blaw the lee-gang way br And aye the lift be mirk an' gray, br An deep the moss and steigh the brae br Where a' maun gang - br There's still an hoor in ilka day br For luve and sang. br br And canty hearts are strangely steeled. br By some dikeside they'll find a bield, br Some couthy neuk by muir or field br They're sure to hit, br Where, frae the blatherin' wind concealed, br They'll rest a bit. br br An' weel for them if kindly fate br Send ower the hills to them a mate; br They'll crack a while o' kirk an' State, br O' yowes an' rain: br An' when it's time to take the gate, br Tak' ilk his ain. br br - Sic neuk beside the southern sea br I soucht - sic place o' quiet lee br Frae a' the winds o' life. To me, br Fate, rarely fair, br Had set a freendly company br To meet me there. br br Kindly by them they gart me sit, br An' blythe was I to bide a bit. br Licht as o' some hame fireside lit br My life for me. br - Ower early maun I rise an' quit br This happy lee.