I SEND to you, commissioners, br A paper that may please ye, sirs br (For troth they say it might be worse br An' I believe't) br And on your business lay my curse br Before I leav't. br br I thocht I'd serve wi' you, sirs, yince, br But I've thocht better of it since; br The maitter I will nowise mince, br But tell ye true: br I'll service wi' some ither prince, br An' no wi' you. br br I've no been very deep, ye'll think, br Cam' delicately to the brink br An' when the water gart me shrink br Straucht took the rue, br An' didna stoop my fill to drink - br I own it true. br br I kent on cape and isle, a light br Burnt fair an' clearly ilka night; br But at the service I took fright, br As sune's I saw, br An' being still a neophite br Gaed straucht awa'. br br Anither course I now begin, br The weeg I'll cairry for my sin, br The court my voice shall echo in, br An' - wha can tell? - br Some ither day I may be yin br O' you mysel'.