Willie Wastle dwalt on Tweed, br The spot they ca'd it Linkumdoddie. br Willie was a wabster guid br Could stown a clue wi onie body. br He had a wife was dour and din, br O, Tinkler Maidgie was her mither! br Sic a wife as Willie had, br I wad na gie a button for her. br br She has an e'e (she has but ane), br The cat has twa the very colour, br Five rusty teeth, forbye a stump, br A clapper-toungue wad deave a miller; br A whiskin beard about her mou, br Her nose and chin they threaten ither: br Sic a wife as Willie had, br I wad na gie a button for her. br br She's bow-hough'd, she's hem-shin'd, br Ae limpin leg a hand-breed shorter; br She's twisted right, she's twisted left, br To balance fair in ilka quarter; br She has a hump upon her breast, br The twin o that upon her shouther: br Sic a wife as Willie had, br I wad na gie a button for her. br br Auld baudrans by the ingle sits, br An wi her loof her face a-washin; br But Willie's wife is nae sae trig, br She dights her frunzie wi a hushion; br Her walie nieves like midden-creels, br Her face wad fyle the Logan Water: br Sic a wife as Willie had, br I wad na gie a button for her.