Under der linden br an der heide, br dâ unser zweier bette was, br dâ muget ir vinden br schône beide br gebrochen bluomen unde gras. br Vor dem walde in einem tal, br tandaradei, br schône sanc diu nahtegal. br br Ich kam gegangen br zuo der ouwe: br dô was mîn friedel komen ê. br Dâ wart ich empfangen br (hêre frouwe!) br daz ich bin sælic iemer mê. br Kust er mich? br Wol tûsentstunt: br tandaradei, br seht wie rôt mir ist der munt. br br Dô hete er gemachet br alsô rîche br von bluomen eine bettestat. br Des wirt noch gelachet br inneclîche, br kumt iemen an daz selbe pfat: br bî den rôsen er wol mac, br tandaradei, br merken wâ mir'z houbet lac. br br Daz er bî mir læge, br wesse'z iemen br (nu enwelle got!), so schamte ich mich. br Wes er mit mir pflæge, br niemer niemen br bevinde daz, wan er und ich, br und ein kleinez vogellîn: br tandaradei, br daz mac wol getriuwe sîn.