YE are twa laddies unco gleg, br An' blithe an' bonnie: br As licht o' heel as Anster's Meg;-- br Gin ye'd a lassie's favor beg, br I' faith she couldna stir a peg br Ance lookin' on ye! br br He's a douce wiselike callant--Jim: br Of wit aye ready. br Cuts aff ane's sentence, 't ither's limb, br An' whiles he's daft and whiles he's grim, br But brains?--wha's got the like o'him br In's wee bit heidie? br br Dear laddie wi' the curlin' hair, br Gentlest of ony: br That gies kind looks an' speeches fair br To dour auld wives as lassies rare,-- br I ken a score o' lads an' mair, br But nane like Johnnie! br br And gin ye learn the way to woo, br Hae sweethearts mony, br O laddie, never say ye loe br An' gie fause coin for siller true; br A lassie's sair heart's naething new,-- br Mind o' that, Johnnie. br br An' dinna change your luve sae fast br For ilk face bonnie, br Lest waefu' want track wilfu' waste, br And a' your youthfu' years lang past, br Ye get the crookit stick at last, br Ochone, puir Johnnie! br br But callants baith, tak tent, and when br Bright e'en hae won ye, br Tak each your jo--and keep her--then br Be faithfu' as ye're fond, ye ken, br Or--gang your gate like honest men, br Young Jim and Johnnie.