And were ye at Duntocher burn, br And did ye see them a', man? br And how's my wifie and the bairns? br I hae been lang awa', man. br That cotton wark's a weary trade, br It does na' suit ava, man; br Wi' lanely house, and lanely bed, br My comforts are but sma', man. br br And how's wee Sandy, Pate, and Tam? br Sit down and tak' your blew, man: br Fey, lassie, rin, fetch in a dram, br To treat my friend, John Lamon'. br For ilka plack you've gi'en to mine, br Your callans shall get twa, man; br O were my heels as licht's my heart, br I soon would see them a', man. br br My blessing on her kindly heart, br She likes to see me brew, man; br She's darn'd my hose, and bleach'd my sarks br As white's the driven snaw, man. br And ere the winds o' Martinmas br Sough through the scroggie shaw, man, br I'll lift my weel-hain'd penny fee, br And gang and see them a', man.