Saleema Hashmi recites Nisaar Mein Teri Galiyon ke by Faiz br br Nisaar Mein Teri Galiyon ke… br br Nisar mein teri galyion ke aye watan ke jahan br chali hai rasm keh koi na sar utha kay chalay br jo koi chahnay wala tawaf ko niklay br nazar chura kay chalay, jism-o-jaan bacha kay chalay br hai ahl-e-dil kay liye ab yeh nazm-e-bast-o-kushaad br ke sang-e-wakhast muqayyad hain aur sag azaad br Bohot hai zulm kay dast-e-bahana joo kay liye br jo chand ahl-e-junoon tera naam lewa hain br banein hain ahl-e-hawas, mudda’ii bhi, munsif bhi br kisay wakeel karein, kisse munsafi chahein br magar guzaarne walon kay din guzartay hain br teray firaaq mein yun subh-o-shaam kartay hain br bujha jo rozan-e-zindaan tu dil yeh samjha hai br keh teri maang sitaaron se bhar gayi hogi br chamak uthay hain salasil tu hum nay jana hai br ke ab sahar tere rukh per bikhar gayi hogi br gharz-e-tasawwar-e-shaam-o-sahar mein jeetay hain br girift-e-saaya-e-deewar-o-dar mein jeetay hain br yunhi hamesha ulajhti rahi hai zulm se khalq br na in ki rasm nayi, na apni reet nayi br yunhi hamesha khilaye hain hum nay aag mein phool br na un ki haar nayi hai na apni jeet nayi br isi sabab say falak ka gila nahin kartay br tere firaaq mein hum dil bura nahin kartay br gar aaj tujh se juda hain tu kal bhem hongay br yeh raat bhar ki judaayi tu koi baat nahin br gar aaj auj pe hai taali’-e-raqqeb tu kia br yeh chaar din ki khudaayi tu koi baat nahin br jo tujh se ehd-e-wafa ustawaar rakhtay hain br ilaaj-e-gardish-e-lail-o-nahar rakhtay hain