Courtsey: Saba

Ae Mere Humnasheen, Munni Begum


Ae Mere Humnasheen
Chal Kaheen Aur Chal
Iss Chamun Mein Abb Apna Guzaara Nahin

Ae Mere Humnasheen
Chal Kaheen Aur Chal
Iss Chamun Mein Abb Apna Guzaara Nahin

Baat Hoti Gulon Takk To Seh Letay Hum
Abb To Kaanton Pay Bhi Haq Humaara Nahin

Dee Sadaa Daar Par Aur Kabhi Tur Par
Kis Jaga Mein Ne Tum Ko Pukaara Nahin
Thokrein Yun Khilaanay Se Kya Faida
Saaf Keh Do Kay Milna Gawaara Nahin

Ae Mere Humnasheen

Gulsitaan Ko Lahoo Kee Zaroorat Paree
Sabb Se Pehli Hee Gurdann Humaari Kattee
Phir Bhi Kehtay Hein Mujh Se Yeh Ahl-e-chuman
Yeh Chuman Hai Humaara Tumhara Nahin

Zalimo Apni Qismat Pay Naazaan Naa Ho
Daur Badlay Gaa Yeh Waqt Kee Baat Hai
Woh Yaqeenan Sunay Gaa Sadayein Meri
Kya Tumhaara Khuda Hai Humaara Nahin?

Ae Meray Humnasheen

Aaj Aayay Ho Kal Tum Chalay Jao Gay
Yeh Mohabbat Ko Apni Gawaara Nahin
Umr Bharr Kaa Sahara Bano To Bano
Do Ghari Kaa Sahara Sahara Nahin

Ae Meray Humnasheen

Apni Zulfon Ko Rukh Se Hutaa Leejiyay
Mera Zauq-e-nazar Aazma Leejiyay
Aaj Ghar See Chala Hoon Yehi Soch Karr
Ya To Nazrein Nahin Yaa Nazara Nahin

Ae Meray Humnasheen
Chal
....

Baat Hoti Gulon Takk To Seh Letay Hum
Abb To Kanton Pay Bhi Haqq Humaara Nahin