Mazhoranca e drejtuar nga Berisha me tre votat e ish deputetëve socialistë, përkatësisht Kastriot Islami, Asllan Dogjani e Gjovalin Kadeli si dhe të ish-deputetit të LSI, tashmë i pavarur Dritan Prifti, arriti t'i bënte votat për të rikonfiguruar KQZ, duke shkarkuar Ilirjan Muhon, pavarësisht paralajmërimeve të ndërkombëtarëve dhe përkatësisht të ambsasadorit të SHBA, OSBE dhe BE. Ndërsa përballë kishte bojkotin e opozitës. Shkarkimi i Muhos u miratua dje (15 prill) me 73 vota pro, 1 abstenim, (vota e Dritan Priftit). Pas votimit Zguri i përzgjedhur nga Partia Republikane bëri betimin.