SHBA- Departamenti amerikan i Drejtësisë ka ngritur akuza penale kundër Edward Snowden i cili zbuloi detaje sekrete të agjencive amerikane të inteligjencës. br Akuzat kundër ish-teknikut të Agjencisë Kombëtare të Sigurisë përfshijnë spiunazhin dhe vjedhjen e pronës së qeverisë. Në muajin maj Snowden iku në Hong Kong, pasi nxori detajet e një programi për të monitoruar komunikimet elektronike në internet dhe telefonat celularë. Gjithashtu burime qeveritare konfirmojnë se SHBA-ja ka përgatitur një kërkesë për ekstradimin e tij.