Edhe këtë vit duket se plazhi i Nartës mbetet një ndër plazhet më të frekuentuara të bregdetit shqiptar të jugut. Numri i pushuesve ka ardhur duke u rritur në këtë zonë turistike për shkak të kushteve të mira që ofron ky plazh, si deti i pastër, qetësia dhe rëra kurative. br br Infrastruktura që të çon për në plazhin e Zvërnecit dhe investimet e kryera nga privatët kanë bërë që shumë turistë, vendas dhe të huaj të kalojnë pushimet aty. br br Pushuesit shprehen se janë mjaft të kënaqur me kushtet e këtij plazhi, si dhe me shërbimet e ofruara nga subjektet në këtë zonë. br br Restorantet buzë plazhit në zonën e Nartës, janë të njohura për kulturën e pasur të gatimit të produkteve të detit.