VLORË - Kanë vazhduar gjatë gjithë natës dhe po vijojnë edhe herët në mëngjes punimet për prishjen përfundimtare të kompleksit "Jon" në Vlorë. Janë 4 fadroma dhe matrapikë të INUK po godasin për të shembur 4 katet e sipërme të njërës prej dy godinave 8-katëshe, përbërëse të këtij kompleksi. Për shkak të armaturës së fortë godina ende nuk ka rënë, por siç raporton nga Vlora, korrespondenti i "A1 Report", Armand Xhelili specialistët besojnë se sot gjatë gjithë ditës e po qe nevoja dhe natën godina mudn të arrihet të shembet.