Qytetarët e Elbasanit detyrohen të presin me ditë të tëra për t'u ekzaminuar nga komisioni mjekësor për të marrë statusin e invalidit. Në Drejtorinë Rajonale të Sigurimeve Shoqërore në Elbasan po punohet aktualisht me një Komision Mjekësor (kempi) i cili e ka të vështirë të përballojë fluksin e qytetarëve. Ndërkohë Drejtori i Sigurimeve Shoqërore Shkëlqim Duka tha se komisionet kane filluar punën, por ka akoma vend për përmirësimin e situatës edhe të performancës.