Bashkimi Europian nuk e lidh qëndrimin e një dite më parë të ministrave të jashtëm në Bruksel, me dështimin e Shqipërisë në rrugën e integrimit. Përkundrazi sipas Ambasadorit të Bashkimit Europian në Tirane Etore Sekui, vendet anëtare në unanimitet e njohën progresin e Shqipërisë. Ambasadori Sekui përjashton mundësinë se qëndrimi i mbajtur nga Këshilli i Ministrave në mbledhjen e djeshme lidhet me skepticizmin që ekziston mes tyre për zgjerimin.