Në një kohe kur paketa fiskale dhe Projektbuxheti i shteti për vitin 2014 u miratuan në parim nga Kuvendi, Komisioni i Ekonomisë zhvilloi një seance dëgjimore me gupet e biznesit. Dhoma e Tregtisë, Dhoma Amerikane, Shoqata e Ndërtuesve dhe ajo e Ricikluesve ishin ne unison për sa i përket tatim-fitimit, ata kërkojnë që të ketë një përshkallëzim në këtë taksë, ndërsa propozojnë që të rritet tatimi për kompanitë koncesionare. Nga ana tjetër, bizneset kërkuan që të ketë një përshkallëzim edhe tek rritja e taksës dhe qarkullimit e cila rrit automatikisht naftën dhe benzinën. Propozimet e biznesit janë dëgjuar nga Komisioni i Ekonomisë dhe Financave dhe mbetet për miratimin nen për nen të paketës dhe buxhetit se çfarë do të merret në konsiderate.