Këto janë të vetmet ditë në vit ku rrugët e Tiranës janë më të qeta. Qytetarët kanë preferuar që pas menusë së rëndë për festimin e ndërrimit të viteve t'i lenë makinat në shtëpi dhe të shëtisin në këmbë. Përveç eliminimit të stresit të përditshëm të trafikut qytetarët kanë shmangur përdorimin e automjeteve edhe për të kursyer. Në një ditë të tillë ku askush nuk nxiton respektohen më mirë semaforët dhe sinjalistika rrugore. Mungesa e trafikut dhe kaosit të zakonshëm në rrugët e kryeqytetit evidentonte edhe më tepër fluksin e lartë të turistëve.