Për tharjen e Kënetës së Maliqit, një nga sipërmarrjet më të mëdha në regjimin e kaluar, kanë punuar mijëra të burgosur, por edhe banorë të Korçës dhe zonave të tjera. Nga tharja e kësaj kënete, ku puna kryhej kryesisht me mjete pune primitive, u përfituan 1250 hektarë tokë bujqësore, duke e kthyer fushën e Maliqit në një nga zonat me rendimentet më të larta të kohës, kryesisht për prodhimin e panxharit të sheqerit. 83-vjeçari, Murak Make, nga fshati Drithas, ka punuar dhe vetë në tharjen e Kënetës. Ai thotë se në të kaluarën fusha nuk përmbytej, pasi kujdesi dhe përgjegjësia për të ishte më i madh sesa sot.