Me një kilometër më pak asfalt, por një thesar më shumë të shpëtuar, bëjmë më tepër rrugë drejt Europës. Të tillë e ka vlerësuar kryeministri Edi Rama, restaurimin dhe kthimin në muze të Fototekës Kombëtare "Marubi". I pranishëm në Shkodër për të shqyrtuar projektet e pesë studiove konkurruese në këtë nisme, Rama deklaroi se rivlerësimi që po i behet fondit të dinastisë "Marubi", i cili deri më sot ruhej në kushte të papërshtatshme, është vetëm fillimi i një përqasje të re ndaj thesareve kulturore të vendit.