Një vend si i yni, që kërkon të hyjë në familjen europiane duhet t'i provojë vetes më parë se sa të tjerëve aftësinë e integrimit. Por ky integrim i Shqipërisë, sipas kryeministrit Rama kërkon kapërcimin e shumë sfidave. Një ndër to është edhe menaxhimi i integruar i kufijve, pavarësisht kompleksitetit që e karakterizon. Strategjia e menaxhimit të kufijve që fillon këtë vit dhe përfundon në 2020, do të jetë një reformë e vërtetë institucionale. Për ministrin e Brendshëm, Saimir Tahiri kjo strategji parashikon punën e bashkërenduar të 17 institucioneve publike për ruajtjen e kufirit.