Kur pak javë na ndajnë nga vendimi i Këshillit të Ministrave për statusin e kandidatit për Shqipërinë, të parët që kanë bërë të qartë pozicionin e tyre janë ato vende anëtare të BE, që edhe vitin e kaluar mbështetën aspiratat shqiptare. Suedia është një prej vendeve që në dhjetor u pozicionua pro Shqipërisë dhe ambasadori Patrick Svensson ka shfrytëzuar ceremoninë e organizuar në Fier për ditën kombëtare të Suedisë për të rikonfirmuar të njëjtin pozicion.