Të rinjtë që këtë vit të ri shkollor do të zgjedhin të studiojnë në degët e bujqësisë dhe blegtorisë do të përftojnë bursa nga qeveria shqiptare. Këtë premtim e ka bërë vetë ministri i mirëqenies sociale Erion Veliaj, gjatë inspektimit të kryer në shkollën e mesme bujqësore ?Rakip Kryeziu? në Fier. Sipas Veliajt për 23 vjet shqiptarët i janë larguar bujqësisë dhe blegtorisë, ndonëse këto dy fusha sot janë sektorët më të rëndësishëm për rritjen e investimeve në vend.