Një ditë pas vendimit të Gjykatës Kushtetuese, e cila pranoi pjesërisht kërkesën e bërë nga Partia Demokratike për ligjin e KLD-së, kreu i kuvendit Meta, tha se shumica do ta shqyrtoje me seriozitet atë. Të martën, Gjykata Kushtetuese vendosi të shfuqizojë nenin 4 të ligjit për këshillin e lartë të drejtësisë, me anë të të cilit kuvendi kishte bërë shkarkimin e dy anëtarëve, Elvis Çefa dhe Lulzim Lelçaj. Por gjykata, thuajse në të njëjtën kohë, publikoi edhe vendimin që rrëzonte kërkesën e presidentit për shpalljen antikushtetues të nenit që e detyron atë të zgjedhë nënkryetarin e KLD nga radhët e anëtarëve të KLD të votuar nga Parlamenti.