Të dhënat e fundit zyrtare nga sistemi bankar kanë zbehur shpresat për rigjallërimin e kredisë në ekonomi. Sipas shifrave të publikuara nga Banka e Shqipërisë në tre muajt e fundit huatë e reja për biznesin dhe individët janë bllokuar sërish, ose të paktën kanë qenë më të vogla se maturimet. Kjo ka bërë që stoku i kredisë të ulet nga 561.4 miliardë lekë që ishte në nëntor në 557.6 miliarde në janar.