Kërkoi te merrte fjalën, por u refuzua nga kreu i komisionit. Kaq ka mjaftuar mes ish-ministri Ridvan Bode dhe Erjon Braçes qe te shpërthenin ne akuza të ndërsjella. Pas kësaj deputetet e opozitës u larguan nga Komisioni i Ekonomisë. Mazhoranca vijoi diskutimet per raportin vjetor te autoritet te konkurrencës, që i ka konsideruar te dëmshme per konsumatorin katër kontratat koncesionare te firmosura nga Ish-ministri i Financave Ritvan Bode: skanimi i konteniereve, markimi i karburanteve, kolaudimi i makinave si dhe pullat fiskale.Kreu konkurrencës kërkoi nga entet e pavarura si Enti Rregullator i Energjisë apo Autoriteti i Komunikimeve Elektronike qe te reflektojnë ne kohe rekomandimet qe ky autoritet jep, me qellim përmirësimin e tregut.