Asgjë nuk është më e rëndësishme se siguria e fëmijëve. Ky shqetësim bëhet edhe më i madh kur thuajse të gjitha shkollat në qytet apo rrethina janë afër rrugëve, ku qarkullojnë automjetet që e bën edhe më të cënueshme sigurinë e tyre në rrugë. Sipas të dhënave zyrtare të Ministrisë së Brendshme, vetëm në vitin 2014 kanë humbur jetën në aksidentet rrugore 14 fëmijë. Lidhur me këtë problematikë në vitet e fundit Ministria dhe Policia Rrugore janë fokusuar vecanërisht tek siguria rrugore në afërsi të shkollave.