Votuesve për herë të parë, kandidati i të majtës Erion Veliaj, u rrëfeu se pjesëmarrja në votime është e rëndësishme për të çuar Tiranën në drejtimin e duhur. Për ta ilustruar, Veliaj solli shembullin e zgjedhjeve lokale të vitit 2011. Erion Veliaj, ftoi të rinjtë të votojnë masivisht më 21 qershor. Në takimin organizuar në oborrin e selisë së Partisë Socialiste, Veliaj tha se më 21 qershor është shansi që të eliminohet kultura e përplasjes së të rinjve, për të larë hesapet e pleqve.