Ky është porti i ri peshkimit, i inauguruar këtë të hënë në Durrës. Investimi që kap shifrën e 14.6 milion dollarëve, ka sjellë sërish pakënaqësi në mesin e peshkatarëve. Ata thonë se në portin e ri nuk mund të ankorohen të gjitha anijet, ndërsa shtojnë se ka qenë i paramenduar për t?u bërë port jahtesh, jo për anijet e peshkimit. Peshkatarët kërkojnë zgjerimin e tij. Ndërkohë ministri i bujqësisë Edmond Panariti ka premtuar shtim të investimeve për sektorin e peshkimit. Aktualisht sipas burimeve nga dispeceria, flota e Durrësit numëron 100 anije peshkimi, por vetëm 65 prej tyre janë në gjendje pune.