Subscribe në Ora News këtu br Kryetari i Bashkisë së Tiranës dhe Presidenti Nishani përfshihen në një luftë deklaratash në distancë në lidhje me ndërtimin e këndit të lojrave tek Liqeni Artificial. Kryebashkiaku, Erion Veliaj, i drejtohet Presidentit të Republikës me një apel të qartë që të mos pengojë ndërtimin e parkut të lojërave tek liqeni, por të bëhet pjesë e një prej reformave jetike në vend siç është ajo e drejtësisë. Ndërkohë pak minuta pas kësaj deklarate, kryetari i shtetit Bujar Nishani zgjodhi të shkojë në zemër të parkut, aty ku po kryhen ndërtime, për ta cilësuar këtë ndërtim vandalizëm dhe u dha një mbështetje pa rezerva protestuesve që ndodhen aty që prej fillimit të punimeve.