Investimet gjermane në Shqipëri konsiderohen tepër të rëndësishme nga kryeministri Rama. Në ceremoninë e nënshkrimit të marrëveshjeve mes dy qeverive, mbi linjën e interkonjeksionit 400 kv Shqipëri - Maqedoni, kreu i qeverisë theksoi se asistenca gjermane, mbi të gjitha shkon për kulturën e administrimit. Bashkëpunimi me Gjermaninë shkon edhe në mjedis. Rama përmendi ngritjen e fushave sanitare për menaxhimin e mbetjeve. Kryeministri duke iu referuar zhvillimit ekonomik, nuk ngurroi të lëshonte një batutë, duke ironizuar paraardhësin e tij Berisha.