Subscribe në Ora News këtu br Prej ditës së mërkurë pensionistët do të kenë mundësi të tërheqin në zyrat e Postës Shqiptare shpërblimin e fundvitit prej 6 mijë lekësh të rinj.br Drejtori i Institutit të sigurimeve shoqërore Astrit Hado tha se është miratuar kalendari i ndarjes së shpërblimeve.br Hado: Instituti i Sigurimeve Shoqërore janë siguruar të gjitha fondet e marra nga Thesari i Shtetit. Janë transferuar pranë drejtorive rajonale dhe filialeve të Postës në tërë Republikën dhe nesër në mëngjes me hapjen e zyrave postare të gjithë pensionistët që kanë datën e tërheqjes përveç këstit mujor do të tërheqin edhe shpërblimin.br Drejtori i Postës Shqiptare, Majlin Lazimi njoftoi se deri në datën 29 dhjetor Posta do të punojë me dy turne.br Lazimi: Duke filluar që nesër nga ora 7 e gjysmë e mëngjesit deri në 8 të darkës, Posta Shqiptare do të punojë me dy turne, përfshirë edhe ditën e shtunë dhe të hënën, pavarësisht se janë ditë pushimi.