Subscribe në Ora News këtu br Gjykata e Lartë nuk ndryshon dënimin por lë në fuqi vendimin e Gjykatës së Apelit Të Vlorës për Aleksandër Llanaj, i akuzuar si autori kryesor i masakrës së Çoles të ndodhur në prill të 2015.br I njëjti vendim u dha dhe për Ani Bega dhe Bertil Aliaj të akuzuar si bashkëpunëtorë.br Gjykata e Apelit kishte dënuar Llanaj me burgim të përjetshëm por meqë është pranuar kërkesa për gjykim të shkurtuar ai do të kryejë 35 vjet burg.br Vendimi, i cili u shpall në mesdite, erdhi pasi Prokurori i Përgjithshëm nën dyshimin e një aferë korruptive në këtë çështje pezulloi nga detyra dy prokurorët e lartë të Prokurorisë së Përgjithshme, shefen e drejtorisë gjyqësore, Alma Muça dhe prokurorin Artur Selmani.br Gjithçka erdhi pasi kreu i akuzës u vu në dijeni për një përmbysje të plotë të qëndrimit që prokurori Selmani kishte mbajtur në Gjykatën e Lartë ku kërkoi pushimin e akuzës së vrasjes për të akuzuarit.br Por ndërsa gjykata ishte tërhequr për vendim Prokuroria e Përgjithshme ka dërguar një qëndrim te dyte , duke kërkuar lënien në fuqi të vendimit të Apelit, kerkesë që u mor parasysh edhe nga gjykata. Familjarët e viktimave, kanë vlerësuar reagimin e prokurorisë dhe të Gjykatës së Lartë.