Subscribe në Ora News këtu br Autoriteti për informim për dokumentet e ish-Sigurimit do të zbardhë rreth 3 milion faqe shkresa të dosjeve të arkivuara për llogari të ish sigurimit. Në një takim me studentët e fakultetit të filologjisë dhe Historisë në Tiranë, kreu i këtij autoriteti Gentiana Sula tha se puna sapo ka nisur ndërsa u zotua se të gjitha dosjet do të lexohen ashtu si duhet.br Sula: Kemi shqyrtuar rreth 230 kërkesa nga institucione publike që pyesin, është, s?është, ka qenë bashkëpunëtor ose zyrtar i Sigurimit. Kjo është një gjë që bëhet thjeshtë. Synimi është shumë më tepër; pajtimi, shërimi i plagëve, e vërteta. Ne kemi menduar të ndërtojmë një institucion të memories, ku natyrisht studiuesit kanë shumë për të thënë.br Me këtë rast, anëtari i këtij autoriteti Simon Miraka ngriti shqetësimin se një sërë dosjesh janë zhdukur ndërsa ka edhe emra që janë fshirë nga regjistrat themeltar.