نظم بوعزة الدريبكي br br الحربة br عذروني يا اهلي ولاش تلوموني هكذا فحالي سيروا خليوا كل حال يسير على حالو br br أنا الكاوي بكيْ مخفي كيْ في الذات ما برى لي , بعد لاّ نكويت و بريت جراحي طالو br يحياو حتى يهولوني ونعود نساهر الليالي , جراح الحب و الهوى و الهجرة لا زالو br الجراح يهيجو غرام الغيوان الشاطنات بالي , جراح يهيج يَكْ عادوا للقلب هوالو br بهم مشطون كيف راد وقدّر نعم الغني العالي , السابق لي نصرّْفو والوعد بمجالو br لا زلت ملازم الصبر صبري صبرْ العيس في الليالي , رفدت حمايل الهوى وتكدرت بحمالو br br لاش تلومو هكذا في حالي وأنا بجرايحي نلالي , شاكي باكي من الهموم قلبي و آهوالو br تارة مول الغرام تايه تارة حالو يعود سالي , ترى يبقى هميم هايم لا ما يزها لو br لغرام طوع السلاطن لاسيما اللي بحالي , ديما غيظان على العاشق لا بايَرْتَا لو br طوّع كسرى على نصال وما قاسى مع الهلالي مطوع سيف الغلام العبسي وأمثالو br br بعض الناس كَايْلومو ويزيدوا في ملام حالي , بعض الناس كيقولو هذا عمدا لو br هذا حالي مع الهوى متولع مولوع بالغوالي , تروع ساكني و نطق من غير احوالو br إذا نخبر أهل الفن بحالي يستحسنوا أقوالي, يبكيو على بكاي ناس الغيوان يسالو br و إذا نخبر أهل اللوم يلومو ويبطلو اشغالي , ويقولوا يا لْطيف راه قوات علالو br لاموني في افعايلي وآفْعَالْهم عدات على افعالي , لكن غَدَّا كل واحد يتحاسب بفعالو br br عذروني يا اهلي ولاش تلوموني هكذا فحالي سيروا خليوا كل حال يسير على حالو br br كم من واحد لامني ومكثر عَجْبي مع آسآلي , يدوي فيَّا كيخفف ذنبي بأقوالو br عارف تحقيق سيرتي ما نبغض إنسان ما نبالي ما نجَحَّدْ حَدْ ما نغتبو ولا نصغى لو br قابض حَدّي و كانساعف الغرام لي في دخالي نخمم في حكايتو اش يكون فصالو br لولا الغرام ما نخمم و لا نسهى على أشغالي يبلي من لام فيه ويجرب ما يجرى لو br يذوق الحب غير نوبة و لا يجبر ليه والي , يذوق اغصايصو وسَمُّو وجراح نكالو br br ما يعذر غير من تكوى وتجرّح كيفي من العوالي , بنجال اللي يحبهم كاوية عمدا لو br ملكوني يا اهلي ولاحُو لي جفني على المالي ملكوني بالبها و بحسن الخد مع خالو br هما هما راحتي في الدنيا هما راس مالي , أنا بَعْدَ خديم لهم فاش ما قالو br هما هما اللي سباب بلايا هما دْوا علالي , هما هما..