Subscribe në Ora News këtu br Pas fitores me Lihtenshtejnin, kombëtarja shqiptare udhëton drejt Maqedonisë për ndeshjen e radhës. Për të shmangur cdo incident Federata Shqiptare e Futbollit, gjatë udhëtimit nëpër Maqedoni, ka marrë masa për ruajtjen e sigurisë së lojtarëve. br br Drejt Shkupit autobusi është shoqëruar jo vetëm nga forcat e policisë por edhe nga ato të një kompanie sigurimi private e cila është kontaktuar nga Federata e Futbollit. Kuqezinjtë do të shoqërohen nën masa shtesë sigurie si në rezidencën në Shkup ashtu dhe në Strumicë. br br Futbollisti i kombëtares shqiptare Odise Roshi, para nisjes drejt Shkupit e vlerësoi ndeshjen me Maqedoninë si të vështirë, duke premtuar një ndeshje agresive.br br Ndërsa Azdren Llullaku, që luan në rolin e sulmuesit në kombëtaren shqiptare, beson në fitore ndaj Maqedonisë.