Mijëra shqiptarë kanë synuar të marrin azil vitet e fundit në Gjermani, Francë apo Holandë. Por ndërsa fluksi i kërkesave në këto shtete ka shkuar drejt rënies, e kundërta po ndodh me Greqinë.br br Të dhënat zyrtare të autoriteteve në vendin fqinj flasin për një rritje të ndjeshme të aplikimeve për të fituar azil.br br br br Ministria e Emigracionit të Greqisë bën të ditur se vetëm në dy muajt e parë të vitit 2018 kanë kërkuar azil 460 shqiptarë.br br Një vit më parë, plotësuan dokumentet mbi 1500 persona nga Shqipëria.br br br br Me këto shifra vendi ynë renditet i pesti pas Sirisë, Pakistanit, Afganistanit dhe Irakut.br br Pavarësisht se nga viti 2013 e deri tani kanë kërkuar azil 4000 shqiptarë, vetëm 0,02 përqind e kërkesave të tyre është aprovuar.br br Raporti i Ministrisë së Emigracionit evidenton gjithashtu se 250 shtetas turq kanë kërkuar azil në Greqi në periudhën janar-shkurt 2018, periudhë e cila përkon dhe me rritjen e tensioneve mes Greqisë dhe Turqisë.br br Ndonëse nuk bëhen të ditura arsyet e kërkesave për azil nga shqiptarët, ka dyshime se shumë prej tyre kanë patur qëllim shtyrjen e periudhës së lejuar të qëndrimit, sipas rregullave të lëvizjes në zonën Shengen.