Miserere mei, Deus: secundum magnam misericordiam tuam. br Et secundum multitudinem miserationum tuarum, dēlē iniquitatem meam. br Amplius lavā me ab iniquitate mea: et peccato meo mundā me. br Quoniam iniquitatem meam ego cognōscō: et peccatum meum contra me est semper. br Tibi soli peccāvī, et malum coram te fēcī: ut justificeris in sermonibus tuis, et vincās cum judicaris. br Ecce enim in inquitatibus conceptus sum: et in peccatis concepit me mater mea. br Ecce enim veritatem dilexisti: incerta et occulta sapientiae tuae manifestasti mihi. br Asperges me, Domine, hyssopo, et mundābor: lavābis me, et super nivem dēalbābor. br Auditui meo dabis gaudium et laetitiam: et exsultabunt ossa humiliata. br Averte faciem tuam a peccatis meis: et omnes iniquitates meas dele. br Cor mundum crea in me, Deus: et spiritum rectum innova in visceribus meis. br Ne projicias me a facie tua: et spiritum sanctum tuum ne auferas a me. br Redde mihi laetitiam salutaris tui: et spiritu principali confirma me. br Docebo iniquos vias tuas: et impii ad te convertentur. br Libera me de sanguinibus, Deus, Deus salutis meae: et exsultabit lingua mea justitiam tuam. br Domine, labia mea aperies: et os meum annuntiabit laudem tuam. br Quoniam si voluisses sacrificium, dedissem utique: holocaustis non delectaberis. br Sacrificium Deo spiritus contribulatus: cor contritum, et humiliatum, Deus, non despicies. br Benigne fac, Domine, in bona voluntate tua Sion: ut aedificentur muri Jerusalem. br Tunc acceptabis sacrificium justitiae, oblationes, et holocausta: tunc imponent super altare tuum vitulos.