Kryeministri maqedonas, Zoran Zaev, u ka bërë thirrje deputetëve të të gjitha krahëve që të bashkuar të përcaktojnë të ardhmen e qytetarëve drejt NATO-s dhe Bashkimit Evropian, të votojnë ndryshimin e Kushtetutës sipas bindjes së tyre dhe, ka thënë ai, në pajtim me vullnetin e qytetarëve, pa iu nënshtruar kurrfarë presioni.br br Zoran Zaev, kryeministër i Maqedonisë: Kjo iniciativë ngrihet në pajtim me ligjet dhe procedurat institucionale. Deputetët janë ata që duhet ta përcaktojnë të ardhmen e qytetarëve drejt NATO-s dhe BE-së dhe të prononcohen sipas vullnetit të tyre. Tani ka ardhur koha që të gjithë ata që janë për në NATO dhe në BE të përkrahin ndryshimet.