بتوع الثورة عايزين إيه؟ - بصوت الفنان الراحل خالد صالحbr بص لنص الكباية المليان ... بص للى بـ يحصل حواليك وما كانش عمره هـ يتحقق من غير دم الناس اللى ضحوا علشانا!br br في يناير ٢٠١٢ و إحتفالآ بالذكري الثانية للثوره، تلقي فريق عمل الجي تي في ديوان شعر من المبدع مصطفى حلمي و بعد تفكير توصلنا ان احسن صوت ممكن يأدي الشعر ده هو خالد صالح بس كنا مترددين شويه لان فنان بحجمه اكيد حيطلب مبلغ و قدره غير انه اكيد مشغول بس قررنا نحاول. وفعلا قدرنا نجيب رقمه و فعلا اتصلنا بيه و رحب جدا بالفكره و اصر اننا نزوره ف نفس اليوم، رحنا و عرضنا عليه الشعر و كان بيسمع و علي وشه ملامح من التركيز و الاستجمام وبعد دقايق معدوده قال "يالا ندخل نسجل بكره.." لحظات صمت و حالة من الإرتباك و الفرحة و سألناه "طب حضرتك طالب كام؟" و كان الرد فورى "من غير فلوس، انتوا الشباب احلي حاجه حصلت لمصر" br والنهارده كلنا بننعي العظيم خالد صالح وعمرنا ما نقدر ننسي أد ايه كان متعاون و محب للثوره و الشباب.