Me dhjetëra qytetarë durrësakë protestuan ditën e sotme kundër realizimit të projektit Veliera. Në mbështetje të tyre ishte edhe aktivisti, Sazan Guri, i cili kundërshtoi vendimet e gjyqësorit për të lejuar punimet në këtë projekt pas 2 vjetësh pezullimi. Në këto kushte vazhdoi, Guri do ti drejtohemi sërish gjykatës së apelit në Tiranë për të bllokuar sërish punimet.br br Projekti Veliera u bllokua në muajin shkurt të vitit 2017 dhe për 2 vite vijuan seancat gjyqësore mes bashkisë së qytetit bregdetar dhe shoqërisë civile, një proces që i cili përfundoi vetëm një javë më parë. Ky vendim i gjykatës i hapi dritën jeshile vazhdimit të punimeve që parashikohet të përfundojnë në fillim të sezonit turistik veror.