Trupi për pajtim i cili u krijua në Kuvend, ndonëse kishte për qëllim pajtimin kombëtar, pas Ligjit për amnistinë e 27 prillit nuk u mblodh asnjëherë. Opozita maqedonase vlerëson se qëllimi i këtij trupi ishte sigurimi i 80 votave për ndryshimet kushtetuese. LSDM mbrohet me idenë se agjenda e trupit është shumë e gjerë, ndërsa BDI shprehet e gatshme të merr pjesë në çfarëdo nisme për pajtim kombëtar. Mbi akuzat për drejtësi të njëanshme, opozita shqiptare kishte bojkotuar punën e trupit për pajtim që nga themelimi i tij.