Vergogna a te br br Nant'à a piaghja luminosa br Di mullizzu suminata, br C'hè tanta ghjente accatastata br Nant'à a rena dulurosa. br Vergogna à tè chì vende a terra ! br br Quì ind'è u strangeru hà cumpratu br C'hè una casa vituperia, br Chì stupa nant'à a miseria br Di u to locu abbandunatu. br Vergogna à tè chì vende a terra ! br br In quelle campagne brusgiate br Più mancu un cane ùn abbaghja, br Magra trista la ghjandaghja br Canta è stagione malate. br Vergogna à tè chì vende a terra ! br br A rimigna in campusantu br Trà mez'à e tombe s'hè stese, br È di u tempu l'offese br Men'à u sguardu ogni tantu. br Vergogna à tè chì vende a terra ! br br È l'estate ti vede fieru br Sbarc'à mezu e to ruine, br Cù e manere parrighjine br Di l'omu senza pinseru. br Vergogna à tè chì vende a terra ! br br Ùn tornà più o traditore br Chì si ride di e mio pene, br U sangue di le to vene br Di u soldu hà lu culore.