Njohësit e zhvillimeve politike e shohin me rezerva Samitin e Ohrit në të cilin morën pjesë liderët e Maqedonisë së Veriut, Shqipërisë dhe Serbisë, duke përfshi edhe përfaqësues nga Bosnja dhe Mali Zi. Sipas tyre, mungesa e detajeve nga samiti lë hapësirë për të dyshuar në sinqeritetin e nismës. Gazetari Augustin Palokaj vlerëson se nismat e deritanishme rajonale kanë dështuar kryesisht për shkak të qasjes së Serbisë ndaj Kosovës.