Forcat e IKMT kanë shembur gjatë natës fasadën e godinës së Teatrit Kombëtar. Ka qenë ora 04:30 kur fadroma e IKMT-së rrëzoi fasadën e ndërtesës së teatrit. Përpara kësaj, forca të shumta policie u përleshën me aktivistët e shoqërisë civile dhe artistët që po qëndronin në sheshin përballë teatrit për të kundërshtuar shembjen e godinës. Më shumë se 20 persona janë shoqëruar gjatë natës në polici. Përreth Teatrit Kombëtar u vendos një perimetër sigurie, ndërkohë që shembja e godinës vijon ende.