Vendimi i qeverisë për numrin e taksive të licensuara përcaktojnë një raport 1:2000 në raport me popullsinë. Por ky raport duket se është shkelur në qytetin e Gjirokastrës. Sipas informacionit të marrë në Drejtorinë Rajonale të Shërbimit të Transporteve si dhe në Policinë Tatimore, të gjitha bashkitë dhe këshillat e rrethit të Bashkisë së Gjirokastrës kanë përfunduar licensimin e taksive dhe linjave të autobusit për linjat urbane me përjashtim të Bashkisë së Përmetit. br Në takimin e organizuar disa ditë më parë në bashkinë e qytetit së Gjirokastrës me përfaqësues të shoqatës së taksistëve të licensuar është kërkuar të bllokohet vazhdimësia e dhënies së lejes për këto taksi. Sipas kryetarit të kësaj shoqate Përparim Kore, tejkalimi dhe abuzimi i bërë deri tani nga dhënia e lejeve për këto taksi krijon një anomali më të madhe nga ajo që mund të krijohet nga ato që mbajnë tabela taksi.